Որոշ մարդիկ այսպիսի մի գերհատկությամբ են օժտված. նրանք իրենց իսկ ձեռքերով կարողանում են քանդել իրենց կառուցած հարաբերությունները։ Աստղաբանները գտնում են, որ հետևյալ երեք նշանները հատկապես դժվարությամբ են ամուր հարաբերություններ կառուցում։ Իսկ թե որոնք են այդ նշանները, եկեք պարզենք միասին։

Խոյ

Չափազանց եսակենտրոնությունը թույլ չի տալիս Խոյերին իսկական ամուր հարաբերություններ կառուցել։ Նրանք չեն կարողանում և չեն ուզում լսել ուրիշներին՝ նախընտրելով հոգ տանել միայն իրենց ցանկությունների և պահանջմունքների մասին։ Այս նշանի տակ ծնված մարդիկ չեն գնում զիջումների և չեն կարողանում համբերատար լինել։ Միայն տարիքի հետ են նրանք ավելի հանգիստ և իմաստուն դառնում և միայն այդ ժամանակ են կարողանում ընտանիք ստեղծել։

Խեցգետին

Խեցգետինները չափազանց կասկածամիտ են, նրանք նույնիսկ իրենց վրա վստահ չեն։ Նրանք հունից հանում են զուգընկերոջը իրենց անվստահությամբ և անվերջանալի քմահաճություններով։ Միևնույն ժամանակ նրանք նաև նեղացկոտ են։ Երբեմն նրանք վիրավորանքն իրենց մեջ են պահում տարիներով, մինչև որ հարմար առիթ է ստեղծվում վրեժ լուծելու։ Նրանց վաղ ամուսնությունները հաճախ բաժանությամբ են ավարտվում։ Խեցգետինները երջանկություն են ձեռք բերում միայն հասկացող և համբերատար զուգընկերոջ հանդիպելու դեպքում։

Կարիճ

Սկզբում կարիճը գերում է զուգընկերոջը մոգական գրավչությամբ։ Նրանք ինքնավստահ են, շատ սեքսուալ և մշտապես շրջապատված են երկրպագուներով։ Սակայն ոչ բոլորն են ի վիճակի երկարատև հարաբերություններ կառուցելու Կարիճի հետ, քանի որ նրանք շատ եսասեր են և մակերեսային են թվում։ Իրականում նրանք շատ խոցելի են և այնքան էլ ինքնավստահ չեն ու դրա հետ մեկտեղ միշտ կասկածում են, որ իրենց կարող են հենց այնպես սիրել։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել